Siku moja jua likiwa limechomoka, kombamwiko aliamua kwenda safarini kukukutana marafiki wenzake. Akiwa njiani alikutana na panzi ambao walimchukia sana.
“Habari yako bwana panzi?” aliita kombamwiko. “Jamani, unakula sana asubuhi!”
“Hiyo ni kwa sababu mimi niwe kipepeo mkubwa siku moja,” panzi alijibu. “Wanyama wadogo kama wewe hawahitaji chakula kingi, lakini wanyama wakubwa na wenye nguvu kama mimi wanahitaji chakula kingi!”
“Bila shaka wewe utakuwa mkubwa!” alisema kombamwiko, “lakini nguvu unayo kweli?”
“Je, unafikiri mimi sina nguvu?” aliuliza panzi, akionekana kushangaa na kuwa na hasira kidogo.
“Nina uhakika uko na nguvu” alisema kombamwiko. “Lakini wewe uko na nguvu zaidi kuliko mimi?”
Panzi alidhani kuwa hajasikia vizuri.
“Nguvu? Wewe?”
“Ndiyo, mimi.”
Panzi akaangua kwa kicheko.
“Unacheka kwa sababu hujui jinsi nilivyo na nguvu,” alisema kombomwiko. “Nitakuruhusu univute miguu bila kupasuka.”
“Nivute miguu yako?!” alicheka panzi. “Hoo-hooo – hoooo!! Naam, endelea! Nijaribu uone jinsi nilivyo na nguvu!”
Kombomwiko alijiandaa na kujianika ili panzi waweze kuvuta miguu yake.
“Unapohisi una bguvu, usisite kuvuta,” alisema, “au nitaondoka na kujitangaza mwenye nguvu zaidi!”
“Naomba nikufunge macho ili usione nikitokwa na jasho” aliomba panzi.
Panzi alikimbia hadi kwenye mlima wa udongo .
Aliwaona mchwa wakijenga makao yao na kwa umbali, akawaita wale mchwa. Mchwa walipomkaribia alisema, “Mchwa watukufu nyinyi ni wa bidii sana lakini mna nguvu?”
“Sisi ndiye wanyama wenye nguvu na bidii zaidi duniani!” wakapiga kelele mchwa.
“Nitakuonyesha jinsi mmepotoshwa,” panzi alisema. “Hebu njooni muone kombamwiko mwenye nguvu zaidi.”
“Na kisha?”, wakauliza mchwa.
“Myavute miguu yake”, panzi aliwajibu
Mchwa wote wakaangua kwa kicheko.
“Sawa, tunaouwezo,” walicheka.” Wacha tujaribu!”
Moja kwa moja mchwa wakakamata kombamwiko kwa miguu. Kisha panzi akakimbia ufukweni na kukimbilia msituni, akajificha nyuma ya mti na kwa sauti akatamka, “VUTA!”
Kombamwiko, akiwa na nia ya kumtupa panzi juu angani ili kumtisha, alizungusha mwili wake na kujipindapinda kwa nguvu. Mchwa walikabiliana na vuta nikuvute. Kombamwiko ambaye alikuwa amezibwa macho, alistaajabia nguvu za panzi.
Mchwa walivuta na kunyanyuka na kutumia miili zao kwa nguvu zote, huku kombamwiko akipiga mayowe. Hatimaye mende alikatikakatika na wale mchwa walibaki na vipande vipande vya mwili wake.
Kuanzia wakati huo na hadi sasa kila wakati kombamwiko hufanya shughuli zake usiku na akionekana anajificha haraka na kukimbia ili asionekane .